តើអ្នកមែនទេ ដែលមានការលំបាកក្នុងការស្វែងរកផ្ទះដ៏ល្អឥតខ្ចោះសម្រាប់ខ្លួនអ្នក និងក្រុមគ្រួសាររបស់អ្នក? តើអ្នកមែនទេ ដែលចង់ស្វែងរកទីតាំងដ៏ស័ក្តិសមសម្រាប់ការរស់នៅដែលជិតទីតាំងសំខាន់ៗដូចជាផ្សារទំនើប ភោជនីយដ្ឋាន មន្ទីរពេទ្យ ការិយាល័យរដ្ឋាភិបាល សាលារៀន និងច្រើនទៀត? តើអ្នកមែនទេ ដែលចង់រស់នៅក្នុងជីវិតឲ្យបានពេញលេញ និងរីករាយជាមួយឧបករណ៍ទំនើបៗដូចជា កន្លែងហាត់ប្រាណ អាងហែលទឹក កន្លែងកីឡា សួនច្បារខាងក្រៅ និងអ្វីៗជាច្រើនទៀតដែលដូចគ្នានេះ? ប្រសិនបើចម្លើយរបស់អ្នកគឺ មែន នោះខុនដូនឹងក្លាយជាជម្រើសដ៏ល្អសម្រាប់អ្នក។
តើខុនដូ (Condominium) ជាអ្វី?
ខុនដូ (condominium) ដែលជារឿយៗត្រូវបានគេហៅថា "condo" សម្រាប់និយាយដោយខ្លី គឺជាយូនីត (ផ្ទះ) នីមួយៗដែលគ្រប់គ្រងដោយឯកជននៅក្នុងអគារនៃយូនីតផ្សេងទៀត។ អ្នករស់នៅខុនដូបានចែកគ្នាប្រើទៅវិញទៅមកនូវតំបន់រួមដូចជា អាងហែលទឹក ចំណតរថយន្ត ជណ្តើរយន្ត សាលធំខាងក្រៅ និងកន្លែងហាត់ប្រាណ។ គម្រោងខុនដូមួយចំនួនក៏មានសួនច្បារខាងក្រៅ បន្ទប់សិក្សា បណ្ណាល័យ មជ្ឈមណ្ឌលថែទាំកុមារ កន្លែងលេងកីឡា ចង្ក្រានអាំងសាច់ BBQ បន្ទប់ធ្វើពិធី សាលប្រជុំ ឬ សាលសន្និសីទ ព្រមទាំងបន្ទប់បោកអ៊ុតផងដែរ។
ពិចារណាកត្តាមានប្រយោជន៍ទាំងនេះ មុនពេលទិញខុនដូដំបូងរបស់អ្នក
1. ខុនដូមុនសាងសង់ (Pre Construction Condo) ឬ ខុនដូថ្មីស្រឡាង (Brand New Condo)
វិធីមួយក្នុងចំណោមវិធីប្រាកដបំផុត និងឆ្លាតវៃបំផុតក្នុងការបង្កើនទ្រព្យសម្បត្តិរបស់អ្នកគឺការវិនិយោគលើខុនដូមុនសាងសង់។ ដោយសារតម្លៃខុនដូនឹងបន្តឡើងថ្លៃចាប់ពីថ្ងៃដំបូងដែលអ្នកទិញយូនីតនោះ នៅពេលអ្នកសម្រេចចិត្តលក់នៅពេលអនាគត អ្នកនឹងទទួលបានអត្ថប្រយោជន៍ពីវា។ នេះអាចជាយុទ្ធសាស្រ្តវិនិយោគរយៈពេលវែងរបស់អ្នក ដើម្បីបង្កើតប្រាក់ចំណូលអកម្ម ហើយរឿងល្អនោះគឺថាអ្នកស្ថិតក្នុងការគ្រប់គ្រងពេញលេញនៃការវិនិយោគផ្ទាល់ខ្លួនរបស់អ្នក។ អាស្រ័យលើស្ថានភាពទីផ្សារអចលនទ្រព្យដែលនឹងឡើងចុះ។ ជាឧទាហរណ៍ វិបត្តិ Covid-19 ដែលកំពុងបន្តបានជះឥទ្ធិពលយ៉ាងខ្លាំងដល់ទីផ្សារជាច្រើន រួមទាំងទីផ្សារអចលនទ្រព្យក្នុងអំឡុងឆ្នាំ 2020 ហើយយើងមិនដឹងច្បាស់ថាតើវានឹងបន្តធ្លាក់ចុះ ឬ មានស្ថិរភាពនៅឆ្នាំ 2021 ឬ យ៉ាងណា។ ដូច្នេះ ប្រសិនបើទីផ្សារធ្លាក់ចុះ អ្នកអាចបន្តរក្សាទ្រព្យសម្បត្តិរបស់អ្នក ប៉ុន្តែនៅពេលដែលទីផ្សារអចលនទ្រព្យត្រលប់មកវិញ ហើយអ្នកត្រៀមលក់ អ្នកអាចទទួលបានផលចំណេញខ្ពស់លើការវិនិយោគរបស់អ្នក (ROI)។
ខណៈពេលដែលការវិនិយោគលើខុនដូមុនសាងសង់ស្តាប់ទៅដូចជាការវិនិយោគដ៏ល្អ មនុស្សមួយចំនួននៅតែចូលចិត្តទិញខុនដូដែលទើបនឹងសម្ពោធថ្មី (new launched condo) ជាងខុនដូមុនសាងសង់ដោយសារតែហេតុផលជាក់ស្តែងមួយនេះ។ ពួកគេអាចរើផ្ទះចូលនៅបានភ្លាមៗ ឬ ជួលវាទៅឲ្យអ្នកជួលដែលមានសក្តានុពល ដែលអាចឲ្យពួកគេទទួលបានប្រហែល 8% ត្រឡប់មកវិញលើការវិនិយោគ (ROI) ជារៀងរាល់ឆ្នាំ។ ហេតុផលមួយទៀតគឺថា ពួកគេផ្ទាល់អាចពិនិត្យមើលការសាងសង់ដែលបានបញ្ចប់នៃយូនីតដែលពួកគេគ្រោងនឹងទិញ ហើយវាយតម្លៃថាតើពួកគេគួរទិញវា ឬ អត់។ ដូច្នេះ វាមានហានិភ័យតិចជាងដែលពាក់ព័ន្ធក្នុងករណីដែលផលិតផលសម្រេចមិនបំពេញតាមការរំពឹងទុករបស់ពួកគេ។
2. ប្លង់ & រចនា
អាចនិយាយបានថា អ្នកបានធ្វើការសម្រេចចិត្តទិញខុនដូជាដំណោះស្រាយការរស់នៅរបស់អ្នក ឥឡូវនេះនេះគឺជាកត្តាចម្បងមួយដែលអ្នកគួរចងចាំមុនពេលទិញ — ការជ្រើសរើសប្លង់ជាន់ និងការរចនាត្រឹមត្រូវ។ វាមានសារៈសំខាន់ណាស់ក្នុងការជ្រើសរើសប្លង់ និងការរចនាដែលនឹងបំពេញតាមតម្រូវការផ្ទាល់ខ្លួនរបស់អ្នក ប៉ុន្តែវានឹងបង្ហាញថាមានប្រយោជន៍ផងដែរនៅពេលអ្នកសម្រេចចិត្តលក់វាទៅឲ្យអ្នកទិញសក្តានុពលរបស់អ្នកនាពេលអនាគត។ រឿងមួយដែលអ្នកគួរពិចារណានៅពេលទិញខុនដូ គឺត្រូវមើលថាតើការរចនានៃគម្រោងនេះមានកន្លែងបៃតងច្រើន និងជាកន្លែងសម្រាប់សហគមន៍ ដែលអ្នករស់នៅអាចរីករាយក្នុងការដើរ ជិះកង់ និងសម្រាកនៅខាងក្រៅដែរ ឬ ទេ។ រូបរាង និងការរចនានៃគម្រោងក៏សំខាន់ផងដែរ។ អ្នកគួរជ្រើសរើសគម្រោងដែលលើកកម្ពស់របៀបរស់នៅទំនើប និងគុណភាពជីវិតរបស់អ្នក។ សូមពិចារណាផងដែរអំពីការរចនាដែលទុកកន្លែងទំនេរគ្រប់គ្រាន់សម្រាប់ខ្យល់ចេញចូលបានត្រឹមត្រូវ និងពន្លឺធម្មជាតិដែលអនុញ្ញាត និងធ្វើឲ្យមានចរន្តខ្យល់ និងពន្លឺព្រះអាទិត្យដោយសេរី។ នេះនឹងកាត់បន្ថយការចំណាយលើវិក្កយបត្រអគ្គិសនីរបស់អ្នកយ៉ាងច្រើន ដោយសារការរចនាដ៏ឆ្លាតវៃរបស់វា។ ហើយជាការពិតណាស់ អ្នកគួរតែរកមើលគម្រោងដែលមានចំណតរថយន្តធំទូលាយ។ មុននឹងទិញខុនដូរបស់អ្នក សូមចាំថាខុនដូដែលអ្នកនឹងទិញនោះមានចំណតរថយន្តទំហំធំ ឬ អត់។
ចំណុចសំខាន់មួយទៀតដែលត្រូវចងចាំមុននឹងសម្រេចចិត្តទិញខុនដូ គឺការរចនាខាងក្នុង និងប្លង់បន្ទប់។ ការរចនាខាងក្នុងដើរតួនាទីយ៉ាងសំខាន់ក្នុងជីវិតរបស់យើងសព្វថ្ងៃនេះ ដែលធ្វើឲ្យរបៀបរស់នៅរបស់យើងកាន់តែទំនើប និងទាន់សម័យ។ វាណែនាំយើងអំពីភាពឆើតឆាយ និងផាសុខភាព និងជួយបង្កើនមុខងារនៅក្នុងជីវិតរបស់យើង។ អ្នកក៏ត្រូវដឹងដែរថា តើគុណភាពនៃសម្ភារៈប្រើប្រាស់ក្នុងយូនីតរបស់អ្នកត្រូវបានផលិតពីគុណភាពខ្ពស់ដាច់គេ ឬ ល្អជាងគេ ឬ អត់។ ចំណុចសំខាន់មួយទៀតដែលត្រូវចងចាំគឺថាតើប្លង់បន្ទប់ត្រូវបានរចនាយ៉ាងល្អប៉ុណ្ណា។ រកមើលប្លង់ខុនដូដែលអាចប្រើប្រាស់មុខងាររបស់វាបានល្អបំផុតនៃបន្ទប់ទាំងមូល ហើយធ្វើឲ្យអ្នកមានអារម្មណ៍ថា អ្នកទទួលបានច្រើនបំផុតពីគ្រប់កន្លែងដែលមាន។
3. គ្រឿងបរិក្ខារ និងសេវាកម្មដ៏ល្អឥតខ្ចោះ
គ្រឿងបរិក្ខារដើរតួនាទីយ៉ាងសំខាន់នៅពេលនិយាយអំពីការទិញខុនដូ។ វាលើកកំពស់គុណភាពជីវិត និងរួមចំណែកដល់ភាពរីករាយ និងការគាប់ចិត្តរបស់អ្នករស់នៅ។ ការមានអាងហែលទឹក កន្លែងហាត់ប្រាណ ទីធ្លាបៃតង ចំណតរថយន្តដ៏ធំ សាលប្រជុំ បន្ទប់សិក្សា បណ្ណាល័យ កន្លែងលេងកីឡា ចង្ក្រានអាំងសាច់ BBQ និងកន្លែងជាច្រើនទៀតដែលដូចគ្នានេះនឹងបង្កើនការចង់បានរបស់អ្នកទិញខុនដូយ៉ាងខ្លាំង។ អ្វីដែលនាំមកនូវអារម្មណ៍នៃសហគមន៍ និងជាកម្មសិទ្ធិនៅក្នុងគម្រោងលំនៅឋានដូចជា ខុនដូឲ្យរួមគ្នាគឺការចូលរួមជាមួយអ្នករស់នៅក្នុងទម្រង់មួយចំនួន ហើយនោះជាកន្លែងដែលគ្រឿងបរិក្ខារដើរតួនាទីយ៉ាងសំខាន់។ វាជួយជំរុញទំនាក់ទំនងសង្គមក្នុងចំណោមអ្នកកាន់កាប់។
ក្រៅពីគ្រឿងបរិក្ខារ ខុនដូភាគច្រើនផ្តល់សេវាសន្តិសុខ 24/7 ។ ខុនដូ ដូចជាអគារផ្ទះល្វែង និងសណ្ឋាគារជាដើម មានមនុស្សចូល និងចេញគ្រប់ពេល។ នេះមានន័យថា សន្តិសុខនៅនឹងកន្លែងត្រូវតែមានការប្រយ័ត្នប្រយែង និងប្រុងប្រយ័ត្នខ្ពស់ ដើម្បីការពារបញ្ហាដែលអាចកើតមានចំពោះអគារ និងដើម្បីការពារអ្នករស់នៅក្នុងខុនដូ និងអ្នកដែលមកលេង។
រឿងមួយទៀតដែលត្រូវរកមើលនៅពេលទិញខុនដូ គឺត្រូវមើលថាតើគម្រោងនោះមានការគ្រប់គ្រងអចលនទ្រព្យល្អ ឬ អត់។ មានប្រយោគមួយនៅក្នុងកិច្ចសន្យាដែលចែងថា អ្នកអភិវឌ្ឍន៍គម្រោងមានសិទ្ធិគ្រប់គ្រងគម្រោងផ្ទាល់ខ្លួនរបស់ពួកគេសម្រាប់រយៈពេល 3 ឆ្នាំ។ បន្ទាប់មក វាអាស្រ័យលើអ្នករស់នៅខុនដូក្នុងការរៀបចំក្រុមប្រឹក្សាភិបាលផ្ទាល់ខ្លួន ឬ ក្រុមប្រហាក់ប្រហែលដោយឈ្មោះផ្សេងទៀត ដូចជាក្រុមប្រឹក្សាដែលទទួលខុសត្រូវក្នុងការសម្រេចចិត្តសំខាន់ៗទាំងអស់ទាក់ទងនឹងការថែទាំអគារ ដី ក៏ដូចជាហិរញ្ញវត្ថុរបស់ខុនដូ ។ ហើយទាំងនេះមិនមែនជាការងារងាយស្រួលនោះទេ។ ការមើលរំលងលទ្ធភាពនៃការប្រើប្រាស់ក្រុមហ៊ុនគ្រប់គ្រងអចលនទ្រព្យអាចជាកំហុសដ៏ធំបំផុតមួយដែលអ្នករស់នៅខុនដូជាច្រើនអាចធ្វើ។ សេវាកម្មដែលផ្តល់ដោយក្រុមហ៊ុនគ្រប់គ្រងអចលនៈទ្រព្យខុនដូ គឺជាអត្ថប្រយោជន៍ដ៏អស្ចារ្យបំផុតមួយនៃភាពជាម្ចាស់ខុនដូ។ នៅពេលដែលមានក្រុមហ៊ុនគ្រប់គ្រងអចលនទ្រព្យល្អមួយទទួលបន្ទុកខុនដូរបស់ពួកគេ ពួកគេលែងមានការព្រួយបារម្ភអំពីការស្វែងរកអ្នកជួលល្អ ចុះហត្ថលេខាលើកិច្ចសន្យាជួល ការទូទាត់វិក្កយបត្រ ការជួសជុល និងថែទាំទៀតហើយ។ ក្រុមហ៊ុនគ្រប់គ្រងអចលនទ្រព្យនឹងទទួលខុសត្រូវចំពោះសេវាកម្មទាំងនេះ។ អ្វីដែលអ្នករស់នៅទាំងអស់ត្រូវធ្វើគឺបង់ថ្លៃគ្រប់គ្រងដែលត្រូវបានគណនាតាមទំហំនៃយូនីតរបស់ពួកគេ។
